Kuzul ar brezhoneg

Pal Kuzul ar Brezhoneg eo lakaat an obererezhioù da glotañ, kenlodennañ al labour, kas war-raok, strollañ ha kreñvaat ar re a labour e brezhoneg er bed sevenadurel.
Kuzul ar Brezhoneg a stroll hag a vod abaoe 1952 kevredigezhioù a ya en-dro e brezhoneg war dachennoù liesseurt : an embann, ar c’helaouennoù, ar yezh, an darempredoù etrekeltiek hag etrevroadel.
Pep kevredigezh ezel eus Kuzul ar Brezhoneg a chom dieub e pep keñver hervez ar pal dibabet ganti. Kuzul ar Brezhoneg n’eo nag un ti embann nag un aozadur da gelenn brezhoneg. Ul lec’h hag ur skoazell eo d’ar c’hevredigezhioù n’o deus den gopret ebet evit kas da benn, aesaat ha micherelaat o labour. Kas a ra war-raok ul labour sevenadurel e brezhoneg en diavaez da gement strollad politikel.

Digor eo ivez Kuzul ar Brezhoneg d’ar c’hevredigezhioù diavaez ha d’an hiniennoù.

Liamm war-zu lec’hienn Kuzul ar brezhoneg / Lien vers le site

Kuzul ar Brezhoneg (conseil de la langue bretonne) a un rôle d’union et de rassemblement des associations oeuvrant en langue bretonne, celles-ci gardant leur liberté d’action et buts particuliers.
Le but commun des associations membres est la défense et le développement de la langue bretonne.
Depuis 1952, Kuzul ar Brezhoneg assure la mise en place du travail de chacun et coordonne les activités de tous.
Les associations fonctionnent principalement grâce à des bénévoles et Kuzul ar Brezhoneg leur apporte un soutien logistique et professionnel.